فى خبر عجيب كتب الصحفى/فاروق الجمل مقال تحت عنوان: "مدونو الجيل الثالث يتحدون الاعتقالات بالأساطير الإغريقية" فى جريدة المصرى اليوم عدد 30 أبريل 2007.

الحقيقة عرفت خبر النشر من صاحبة مدونة قهوة عالية فبحثت عن المقالة وقرأتها ولم أستطع الوقوف عن الضحك من وقتها. إقرأوا أعاجيب وتحاليل الصحف الماحصة الفاحصة لبواطن الأمور التدوينية.

بشفتيها اليابسة،
ويديها المتشققة،
وقدميها الدامية،
وجسدها المنهك،

تسير فى وادى الحزن،
ذات الجبال الدامعة،
والأشجار ذات الأوراق الصفراء...

ولا يستطيع قلبها البكاء،
فالجرح عميق،
فقط تقاوم لعلها تتنفس بعض الهواء...

وقد تحول الآخر إلى ثقب للوحدة،
وألم فى صدرها لا يهدأ،
وتمنت لو لم يعرف الحب أبداً طريقها...

هكذا شعرت أسميرالدا فهمست:

طيب، من مدة طويلة تم تمرير كذا تاج لىَّ وما كنتش مستعد أخش اللعبة دى مش عارف ليه!!! لكن النهارده حابب أجاوب على التاج بتاع بلوستون والباقى فى بوستات تانية إن شاء الله.

• هل انت راضى عن المدونة شكلا وموضوعأ؟
شكلاً، أيوة. صحيح زهقت شوية من التيمة الحالية وبفكر أغيرها لكن معنديش وقت لده.
موضوعاً، لحد كبير. صحيح فيه موضوعات كتير نفسى أكتب فيها بس مش عارف أعبر كويس. وفى موضوعات تانية عايز أكتب فيها بس خايف أكتب فيها لأنها موضوعات حساسة جداً اجتماعياً. زى مثلاً نظرتى نحو الأديان، نظرتى نحو الله، نظرتى نحو الآخر، نظرتى للجسد عموماً وللجسد الأنثوى خصوصاً، نحو المرأة، نحو المعاق ذهنياً، مثل رأى فى الرئيس مبارك، نظرتى للمسيحية، خبرتى مع الاسلام.


• هل تعلم أسرتك الصغيرة بأمر مدونتك؟

أدخل على Google Reader بتاعى فألاقى تدوينات كتيرة عن واحدة اسمها ليلى، لم أقرأ المحتوى بعد، أمر سريعاً على العنوانين. مين ليلى؟ يأتى فى مخيلتى، ربما صحفية أو مواطنة تحرشت بها الداخلية، أكيد فيه مصيبة حصلت ... أفكر "يا دى النيلة، هو كل يوم ضحية من الداخلية". أقرا بوستات تانية مهمة وأعود لأقرا البوستات اللى على ليلى دى، "لم نشوف ايه الحكاية؟!!!"

أقرا عند بنت مصرية: كلنا ليلى: يا مخلفة البنات، آه فهمت دى حملة للبنات بقى على المجتمع الذكورى، أقول فى نفسى: "واللهِ برافو ويا ترى مين بقى أعضاء الحملة؟!!!!". أقرأ شوية منتقلاً من مدونة لأخرى عن ليلى المصرية ومحاكمة مرسى، أقرا قصة أول عريس يتقدم لعايزة أتجوز ... أموت على نفسى من الضحك. سوسة المفروسة والاشارات الحمرا وشيماء ولست أدرى تقود التنظيم السرى، هو إنت بقى، كل ده يطلع منك :) (تفاصيل التنظيم) وكمان أرابيسك وكروان ...

إقرأ من هى ليلى؟ وعلى رأى بنت مصرية: "اسمعوا ووعوا وناقشوا"

والله يا بنات إحنا (مش عارف إحنا دي عايدة على مين بالضبط!!!) عارفين تماماً ما تعانيه البنات من أول ما تتولد طفلة صغيرة وعادة ختانتها وانتقالها لسن المراهقة وصعوباته على البنت فى بيت شرقى وخروجها للجامعة ومعاكسات الشارع، نظرات تلتهما كل يوم وتجعلها تتمنى أحياناً لو تستطيع الاختفاء عن هذه العيون البجحة، تلبس الحجاب أحياناً بدون اقتناع لمجرد أن تتجنب هذه المعاملة ولتثبت للجميع أنها بنت محترمة. وعلى جانب أخر يبدأ البيت فى الحراك الداخلى فى انتظار العريس فى أى وقت، قريب، جار، صديق، ... وتتخرج البنت من الكلية فى رحلة بحث عن عمل لتكتشف أنها تم تعينها فى هذه الشركة لأنها فقط لابسة حجاب أو على جانب آخر لأنها جميلة ... مجتمع ذكورى متناقض لا يفكر بعقله بل بـ ... تبدأ رحلة البحث عن النفس أو عن رجل "يحتويها" أملاً فى ميناء سلام وحرية والخروج من قيود البيت لتقع فى مصيدة جديدة وقيود جديدة وانتهاكات جديد لأدميتها ومشاعرها ورغباتها وأحلامها ...