بسأل تفسى: "إيه القيم اللى بدافع عنها؟!!"
الحرية ... المساواة ... الوطن ... الاستقلال ... الصداقة ... العدالة ... الموضوعية
طب وبعدين!!!
تسلسل قراءات:
الحلم
Just a Thought
كل عيد عمال و أنتم طيبين
Alone on a wide wide sea
salma قالت:
لقيت ولد صغير ماسك منديل فيه بنزين و بيشموا أخدت واحدة كانت معانا منوا المنديا و أديته ماية راح دلقها . أتكلمت معاه و عرفت أن عنده 15 سنة مع أن شكله أصغر بكتير و ده طبعا من شوق التغذية أعقدت أتكلم معاه و أشوفه عايز ايه
سألته تحب تروح حتة زى قرية الأمل
قالى : طبعا أنا عايز أعيش يا أبلة
فكرت أننا نسيبنا من السياسة و نروح نساعد أطفال الشوارع بدل ماحنا مش فالحين فى حاجة
وكمان:
i feel very frustreated very alienated and lonely, today what hurt me the most was not the chase of amn el dawla or the faliure of the demonstration but the indiffrence of people in the streets,they saw us running they stopped for a sec to ask what's going on and then when we tried to explain ,some gave comments such as "go do something useful and stop this nonsense"
i feel very guilty my 40 friends are lying in prison and we r so helpless! wasting our time in talking about the difference of ideologies and fighting over nothing instead of really doing something useful
we better shape up!
Merna من مجموعة PeaceMakers قالت:*
ِAre we really peacemakers? or even trying to be?!! In our small socities: work, home, with friends or even ourselves (internal peace)?!!!
The Eyewitness قال:
لقد أعتدت أن أؤمن في الأحلام، أعتدت أن يكون لدي حلم، أعتدت أن أؤمن في حلمي، وأن أحارب في سبيل حلمي. حتى لو لم أحقق حلمي، كنت أستمتع بكل لحظة أحارب فيها من أجل تحقيق حلمي. أتعلمون لماذا؟ لأني كنت أؤمن بحلمي
كلهم بيدقوا على جرح جوايا. وبدأت أحارب أفكارى لما قلت لسلمى محاضرة طويلة عريضة:
جيتى على الجرح يا سلمى. بصى بقى. لازم ييجى الوقت اللى كل واحد يسأل نفسه: "إيه فايدة اللى بيعمله ده؟!!" ده مهم عشان نفهم رسالتنا إيه وموقفنا ايه. يعنى إنتى لما شوفتى طفل فى الشارع بيشم كولة إهتميتى بيه وفكرتى إنك تسيبى السياسة وتشتغلى مع أطفال الشوارع. إنتى فاكرة إنك لما تشتغلى معاهم هيسيب الكولة ويروح يدور على طريقة لتحسين أوضاع حياته من بكرة. ده محتاج سنين وصبر طويل، وممكن فى النص تفقدى الأمل ويرجع هو تانى للشارع.
فيه ناس رسالتها العمل الاجتماعى بتهتم بأطفال الشوارع أو بالايتام أو الفقراء المعدومين أو المرضى أو المسنين أو الأميين أو المعاقين والحمد لله بيكتروا مع الوقت وناس تانية بتهتم بالتعليم الدينى الصحيح وتوعية الناس وناس ثالثة بتهتم بالعمل السياسى وفيه ناس ماشية ورا ناس من غير ما يعرفوا ليه وعشان ايه. وفيه ناس مش بتعمل حاجة غير إنها تعيش وتحافظ على أسرتها وبيشوفوا اللى إنت بتعمليه مش مهم ("روحوا إعملوا حاجة مفيدة"). لازم نعذرهم لأنهم مثقلين بهموم من نوع آخر، هما دول اللى بتدافعى عنهم عشان يعيشوا حياة أكثر كرامة. أكيد مش هتلاقيهم جاينلك يشكروكى على اللى بتعمليه لأنه لا يعنيهم فى شئ.
نيجى بقا للعمل السياسى اللى كان حكر على الجيل السابق أو قبل السابق وغالباً خلال العمل الحزبى وأحياناً لاغراض فى بطن الشاعر. دلوقت فيه شباب زيك بيدخلوا العمل السياسى مش عشان حزب ولا عشان أى غرض فى سلطة أو حاجة، يمكن نقول عشان مصر لكن يمكن الغرض الأساسى عشان يلاقوا نفسيهم، عشان يعبروا عن همومهم وهموم الآخرين. وده أنا بشوفه طفرة فعلاً ظهرت ونمت فى وقت قصير ومش لاقيله تفسير عقلانى.
المهم أنا عايز أقولك باختصار: أوعى تفكرى فى يوم إن اللى بتعمليه مش مهم، ممكن النهارده بتشتغلى فى السياسة وبكرة تشتغلى مع أطفال الشوارع وبعده فى حاجة تانية. ممكن تغيرى رسالتك واللى هتعمليه بكرة مش أهم من النهارده لكنها تكملة ليه لكن المهم إن اللى بتعمليه تكونى مؤمنة بيه وفهماه وتعرفى إنك مش ممكن تلمسى النتائج فوراً وحالاً لكن بعد سنين. ومش لازم نيأس.
أسف على الاطالة بس الموضوع مسنى. يمكن كلام كبير وشعارات ومبادئ بس ده اللى أنا مؤمن بيه.
سلام
وكأنى ما كنتش بكلمها هى لكن كنت بكلم نفسى وده لأنى بقالى فترة طويلة بتخبط مش عارف أنا عايز إيه؟ إيه دورى فى الحياة؟ إيه هى رسالتى؟ أسافر ولا مسفرش؟ هل الجواز وتكوين أسرة هو حل لفراغ المعنى ولا مالوش معنى؟ أنهو نشاط أقدر أشعر فيه بمعنى لحياتى، مع العمل الاجتماعى ولا العمل الكنسى الدينى ولا مع العمل السياسى ولا مع العمل المهنى والتقنى.
محاولات:
حاولت أشتغل مع المجروحين فى ذكائهم ومع المسنين ومع بعض الملاجئ لكن حالياً معنديش طاقة أديها.
حاولت أشتغل مع جميعات أهلية لجمع التبرعات لكن دلوقت مش قادر.
حاولت اتبرع بوقتى فى المساهمة فى مجتمعات تقنية لكن دلوقت مش لاقى أى حماس أعمل أى حاجة.
حاولت أنزل المظاهرات وأساند فى تحسين الوضع ولكن دلوقت خايف أًعتقل وأتبهدل وأبهدل أهلى معايا وأترفد من شغلى ومالاقيش شغل بعد كده!!!
بجتهد فى شغلى والناس شايفانى ناجح جداً فى شغلى وأنا كمان حاسس بده وإنى بتطور بسرعة جداً فى الشغل لكن فين أنا، ليه مش حاسس بمعنى فى شغلى؟!
بحب أهلى جداً لكن عمرى ما قلتلهم ده؟ دانا حتى مش بتصل بيهم أسأل عليهم إلا لما هما بيسألوا. أنا ليه كده مش عارف!!!
أين المعنى ولماذا لا أشعر بما أصنع؟ وهل أنا أصلاً بعمل حاجة ولا كلها محاولات غير مكتملة.
* PeaceMakers is a real group in Mansoura and they all my best friends.
انت
انت راجل طيب
فُول آستوب
أنا مش عارف إذا
أنا مش عارف إذا كنت بتتريأ ولا لأ بس على العموم شكراً.
جمعية الرفق بالحيوان
"بجتهد فى شغلى والناس شايفانى ناجح جداً فى شغلى وأنا كمان حاسس بده وإنى بتطور بسرعة جداً فى الشغل لكن فين أنا، ليه مش حاسس بمعنى فى شغلى؟!"
السؤال ده كان بيجي في دماغي بس ماكونتش بفكر فيه كتير بس أول لما سألته أنت...حست أن الأجابة وضحت...عارف الفرق بين نظرتنا في بلد ذي مصر لجمعيات الرفق بالحيوان وجمعيات الرفق بالأنسان هو الفرق بين نجاحك في شوغلك وعملك الأجتماعي أو السياسي أو الكنسي...أنت لما بتنجح في شوغلك وبتطور من أداء الشركة آلي بتشتغل فبها وكل ده أنت فعلاً بتبني حاجة فبي أتجاه نمو الأنسانية...لكن هل فيه وجه مقارنة بين زيادة مثلا سرعة أستجابة آي Search Engine....وأنك تغطي واحد نايم مجمد في الشارع...أو أنك تقول لواحد فقض كل أحساسه بكلمة الحرية أن لسه في ناس بتؤمن بيها...أو أنك تقول لطفل طول عمره معرف يعني أيه كلمة حب أن لسة في ناس بتحبك...
أعتقد أن هو ده الفرق الحقيقي.
The Eyewitness
http://theeyewitness.blogsome.com/
تشبيه غريب لكن
تشبيه غريب لكن وصلنى المعنى
كنت فاكرة ان
كنت فاكرة ان الاحساس ده بيراودني في الفترة دي لوحدي ..
بس اكتشفت اني كنت غلطانة ..
-من كام يوم كنت بتكلم مع قريب لي احترمه بحكم القرابة ظل ينتقدني لاكثر من ساعتين ويسب ويلعن في كل (العيال المجانين) اللي بتتظاهر واللي مهتمين بالسياسة وبيتكلموا عن النظام والحقوق والحرية.
قال لي "بلاش جنان .. البلد كويسة واحنا كويسين جدا .. مش عايزين قلق .. ومش هتقدروا تعملوا اي حاجة خالص ريحوا دماغكوا .. وبلاش بهدلة .. الحكومة هتعمل اللي هي عايزاه وانتوا بتهيجوا الناس على الفاضي ..".
ساعتها حسيت بخنقة ويأس .. وشوية شك .. كلامة كان منطقي .. الناس مش سامعة اي حاجة ومش فارق معاها القضية اصلا .. (ده اذا كان فيه قضية) ..
-وبعدين .. عرفت ان مالك اعتقل .. وتاني يوم مددوا الطوارئ) ..
حسيت ساعتها ان كل اللي احنا عملناه وبنعمله مالوش فايدة .. لا كلام ولا مظاهرات ولا اي حاجة .. كله في الهوا ..
-وسألت نفسي ايه عملته انا فرق حتى لما تظاهرت ؟؟ هل الفتنة الطائفية انتهت ؟؟ هل حققنا العدل؟؟ قضينا على الفساد؟ الناس تساوت؟
مالك كسب ايه لما اعتصم واعتقل؟؟ ولا حتى البلد كسبت ايه؟؟
وساعتها معرفتش اجاوب نفسي ... حالة سخيفة من الاحباط .. لان مفيش اي حاجة بتحصل .. مفيش اي تأثير ..
-بس افتكرت كلامي مرة مع مالك .. لما كنا بنتخانق بسبب انه مهمل لكل شيء في حياته الدراسة والشغل ومهتم بس بالسياسة ..
وكنت بهاجمه وقلت له انه بيهرب من مواجهة مشاكله الشخصية بالانغماس التام في اي قضية عامة ..
وهو اتهمني ان اهتمامي مش حقيقي وانه مؤقت زي كل البنات لحد ما يتجوزوا وخلاص ..
-وقعدت افكر في كل الكلام ده .. ولقيت الحل زي ما قلت له في (الانجازات الصغيرة).. هي دي الحل يا اخناتون ..
اوضاع كتير في حياتنا ومجتمعنا ممكن تصيبنا باليأس .. لانها اكبر مننا بكتير .. كتير جدا ..
الصورة الكبيرة .. موجعة جدا .. دايما بتجنب اني ابص لها .. في السياسة او في الخدمة او حتى في حياتي بشكل عام ..
بهدلتك ورفدك من الشغل مش حل .. ضياع حياتك ومستقبلك مش هينقذ البلد ..
--اخناتون .. عمرك جربت مبدأ (الدوائر الضيقة) ..
جربته في الخدمة ولقيته ناجح جدا .. وانقذني من حالة يأس كانت ممكن تضيع كل حاجة ..
خدمة المسنين واخوة الرب مثلا فيها اوجاع كتير احيانا اكتر من اللي ممكن حد يتحمله.. مريت بفترة شكيت جدا في كل اللي كنت بعمله .. ايه يعني كام ساعة في الاسبوع بنتكلم معاهم ولا بنظهر لهم مشاعر حلوة او بنساعدهم مساعدة مادية او معنوية لكن في النهاية كلها جهود وقتية .. وماتحلش مشكلة ..
وساعتها صديق حكيم قاللي ان الدقايق دي ليها تأثير كبير عندهم وعندك انت كمان .. وده انجاز كبير في الدايرة اللي انتي عايشة فيها ..
اشتغل في الدوائر الضيقة اللي حواليك ,, هتحقق نتيجة وانجاز هيساعد كتير لما تصاب باحباط الصورة الكبيرة ...
-ايوة يا اخناتون الحياة ليها معنى .. وكل القيم دي موجودة لانك لسه فاكرها وهتفضل موجودة طالما حد فاكرها وبيطبقها جوا دوايره الضيقة في كل يوم ..
-الحياة مش في المعاني الكبيرة الرنانة المجردة .. الحياة بكل معانيها في اللي بتعمله كل يوم بأمانة .. مع نفسك وفي البيت والشغل والكنيسة.
-في كلمة بسيطة جدا وطبطبة على كتف راجل عجوز وحيد مفيش اي علاقة بينكوا .. في كلمة او سلوك تعلمه لطفل وتسيب بصمة ولو صغيرة في حياته وحياتك انت كمان ..
في كلمة حق بتقولها او تكتبها بصراحة وحرية قدام الناس يمكن تدخل في قلب وعقل شخص واحد بس وتغيره .. من غير مظاهرة ومن غير بهدلة ,, ساعتها ده يبقى انجاز .. على الاقل من وجهة نظري .. لو قدرت تقنع وتغير فكرة غلط عن شخص واحد بس كل شهر مرة ده انجاز حتى .. (ماتنساش حياة الانسان ماهي الا خبرات تراكمية)
-الحياة هيكونلها معنى في الانجازات الصغيرة ..
مش لازم عشان بحب بلدي اضيع مستقبلي وحياتي واعيش تايهة وحزينة راكبني الهم والاكتئاب ومش قادرة احقق نفسي ولا احلامي .. لان الحال مش هيتصلح في يوم وليلة ..
ممكن يكون لي بيت واسرة واطفال ومستقبل وخدمة وحياة ناجحة جدا (على قد الاحلام الصغيرة او الشخصية)
وفي نفس الوقت يكون لي رأي مستقل ورغبة وقدرة على الفعل والتغيير .. لما الاقي مكاني في كل الدواير الصغير دي اكيد في يوم الدواير هتوسع وتتشابك مع دواير ناس تانية .. وانا لسه رجلي ثابتة في الارض ..
احيانا بتحتاج تفش غلك في حاجة ممكن تعلي صوتك تخرج طاقة غضب ممكن .. لكن في النهاية الانجاز حاجة مختلفة..
يمكن اكون بتكلم بشكل خيالي ..
بس حل المعادلة حسب ما توصلت لها بعد شوية صراع كان هو ده ..
وقررت اجرب مفهوم الانجازات اليومية او الدوائر الضيقة في مجالات تانية في حياتي مش بس الخدمة ..
مش هاقولك معنى الكون اتضح قدامي .. وعرفت رسالتي في الحياة والخطة اللي ربنا وضعها لي .. لكن على الاقل حطيت رجلي على طريق واضح المعالم .. وتفاصيل الايام بقت مبهجة اكتر ...
--------
انما انت مسافر فين ..؟؟؟
قريت عن ابن عبد العزيز انك مسافر لاجل غير مسمى !!!!
حاجة تدعو للقلق يعني ؟؟؟
ربنا معاك وطمنا عليك ..
مش كل يوم واحد يقع مننا ومتعرفش راح فين ..
--------
معلش انا اتكلمت كتييييييييير جدا .. واغلب الكلام مش مترابط .. بس كنت عايزة اعمل موضوع كامل على المدونة ولنفس السبب فشلت افكار كتير غير مترابطة .. فقلت افكر معاك هنا بصوت عالي ...
سامحني على التطويل ..
اتمنى نطمئن عليك قريب ..
Post new comment